İzgiliktiń izi óshpeıdi

Qaıyrym jasaýdyń saýaby mol. Onyń ústine qasıetti Ramazan aıynda berilgen kómektiń orny bólek.

31 mamyr kúni Qostanaı aýdany «Mańdaı batyr» meshitinde qaıyrymdylyq aksıasy uıymdastyryldy. İs-shara barysynda meshit jamaǵaty atynan kómekke muqtaj jandarǵa azyq-túlik úlestirildi.
«Keń bolsań, kem bolmaısyń» degen qanatty sóz bar. Paıǵambarymyz Muhammed (s.ǵ.s.) qolyna ne nárse tússe de, kedeı-kepshikke taratyp berip, ózi kımese de ózgeni kıindirip, ózi ishpese de ózgege ishkizip, qaramaǵyndaǵy adamdardyń sál de bolsa qýanǵanyn kórýdi zor qýanysh, úlken baqyt dep eseptegen.
Alla elshisi (s.ǵ.s.): «Jetimdi óz qolyna alǵan adammen myna ekeýi sıaqty jánnatta jaqyn (aǵa-ini) bolamyz», – dep nusqaýshy jáne orta saýsaqtaryn kórsetken desedi.
Meshitte ótken is-sharada ulty men dinine qaramastan 10 shaqty otbasyǵa birdeı 1 qap kartop, un, suıyq maı, kúrish, taǵy basqa da ónimder taratyldy.
Barsha jerlesterimizdi aldaǵy ýaqytta osyndaı ıgi dástúrdi jalǵastyrýǵa shaqyramyz.
Medet ÓTEPQALIEV,
Qostanaı aýdany
«Mańdaı batyr»
meshitiniń naıb ımamy