Барлық білімнің бастауы – балабақшада
Балабақша – баланың алғашқы білім мен тәрбие алатын орны, оның болашақ дамуының негізі. Қабілетті, жан-жақты білімді ұрпақ – халқымыздың баға жетпес байлығы.Сондықтан балабақшаларда заманауи педагогикалық әдістер мен технологиялар қолданылып, балалардың жан-жақты дамуына жағдай жасалуда.
Мен Қостанай ауданы, Айсары жалпы білім беретін мектебінде шағын орталық «Балапан» тобының жетекшісімін. Мен үшін мектеп жасына дейінгі балаларды дамыту – мемлекеттік саясаттың ажырамас бөлігі. Заманның ағымына сай әдіс-тәсілдер көбейіп, жаңарып, толығып жатыр. Балалардың тілін дамытуда әр сабағымды қызықты өткізіп, жаңа әдіс-тәсілдерді тиімді қолданып, үздіксіз тәрбие беруде білім сапасын арттыруға тырысамын. Кішкентай бүлдіршін – еліміздің ертеңгі болашағы. Жаңа заман баласын қалыптастырып, дамыту үшін олардың қабілеттерінің дамуына жағдай жасау қажет. Біздің балабақшада бүлдіршіндерге үздіксіз білім беруде барлық жағдай жасалған. Осы кезге дейін тәрбиеші ретінде бүлдіршіндерге үздіксіз тәрбие мен білім беруде жаңартылған педагогикалық технологияларды кеңінен қолданамын. Оның дәлелі қазіргі заман бүлдіршіндерінің берілген ақпаратты тез қабылдауынан, есте сақтау қабілеттері жоғары дамығандығын байқауға болады.
Мектепке дейінгі кезең адам өміріндегі ең маңызды кезең болып келеді. Себебі осы кезде баланың бойындағы табиғи бар дарындылық дами бастайды. Сондықтан сабақ анағұрлым жан-жақты дамытушылық әрекеттер жүйелі жүргізілсе, жұмыс соншалықты нәтижелі болады.
Жақында балаларды ою-өрнек түрлерімен таныстыру, есте сақтау қабілеттерін шыңдау, ой-өрісін, сөз байлығын, тілін дамыту, қазақ тілінде айтылатын ою-өрнектердің түрлерін жатқа білу, қазақ халқының асыл мұраларын, салт дәстүрлерін, өнерін құрметтеуге, ұйымшылдыққа, еңбексүйгіштікке тәрбиелеу мақсатында өткізген ашық сабағым жоғары дәрежеде өтті. Сабақта пайдаланылған әдістерім балаларға өте қызықты болды. «Суреттерді екі топқа бөл», «Кесенің оюын тап», «Кілемшені ою-өрнекпен безендір» атты дидактикалық ойынға да балалар қызығушылық танытып, сабаққа белсене қатысты. Әр сабағымда балалардың тілін дамытуға ерекше көңіл бөліп отырамын. Бұған ата-аналар да риза.
Балабақша – барлық тәрбие мен білімнің ең алғашқы баспалдағы. Мұндағы тәрбие мен білім балалардың табиғи мінезін, қабілетін ерте жастан дамытады. Бала – болашағымыз, бала – қуанышымыз. Ендеше мектепке дейінгі үздіксіз тірбие мен біліммен қамту менің маңызды мақсаттарымның бірі екенін қуана айта аламын.
Добавить комментарий