Құрметті Тобыл қаласының тұрғындары мен қонақтары!

Биыл 27-29 мамырда құрбан айту рәсімін өткізуге байланысты Механизаторлар көшесі, 5 («Союз ТС» компаниясының отын цехы) мекен-жайы бойынша арнайы алаң белгіленді. Бағдар – қарама-қарсы «Ақ жол» қонақ үйі орналасқан.

Мерекелік «Айт намазы» 27 мамырда таңғы сағат 06:00 «Мандай батыр» мешітінде өтеді.

Құрбандық шалу рәсімі күн сайын сағат 07: 00-ден 18: 00-ге дейін ресми бекітілген орындарда өткізіледі. Әдет-ғұрыпты арнайы белгіленген алаңдардан тыс өткізуге жол берілмейді.

Мереке қарсаңында тұрғындардан санитарлық-эпидемиологиялық және ветеринарлық талаптарды сақтауды сұраймыз: етті тек тексерілген орындардан сатып алу, өнімді сақтау жағдайларына назар аудару, жеке гигиена мен санитарлық қауіпсіздік ережелерін сақтау.

Сондай-ақ, мал сою қалдықтарын белгіленген тәртіппен кәдеге жарату қажеттігін еске саламыз. Оларды қатты тұрмыстық қалдықтарға арналған контейнерлерге тастауға тыйым салынады.

Тобыл қаласының әкімдігі