Шаңғы жарысынан жазғы чемпионат

Қостанай қаласында 5-8 шілде аралығында барлық жастағы спортшыларды біріктірген шаңғы жарысы бойынша облыстық жазғы чемпионаты өтті. Бұл спорттық мереке көрермендерге ұмытылмас сәттер мен жарқын эмоциялар сыйлады. Қостанай ауданының командасы үздік нәтиже көрсетіп, жалпы медальдық есепте 3-ші орынға ие болып, өзінің жоғары дайындық деңгейі мен жеңіске деген ұмтылысын растады.

Төрт күн қатысушылар әртүрлі қашықтықта бәсекеге түсіп, күш, төзімділік және жеңіске деген ерік-жігерлерін көрсетті. Ерлер арасындағы спринтте Артем Ковалев жеңімпаз болды. Ол керемет жылдамдық пен техниканы көрсете отырып, алтын медаль жеңіп алды.

Әйелдер арасында спринтте тұғырға жету жолында табандылық танытқан Дарья Ким қола медальға қол жеткізді. 2007-2008 жылдары туған қыздар арасында Алтын Алина Весленеваға бұйырды, ол жоғары нәтижелер мен тамаша техниканы көрсетті.

2011 жылы туған және одан кіші қыздар санатында күміс медальді Ангелина Удиченко жеңіп алды. Ерлер арасында еркін стильде 10 км қашықтықтағы жарыста Владислав Ковалев екінші орынға ие болды, ал қола Алмас Каримовқа бұйырды.

Надежда Ковалева 2011 жылы туған және одан кіші қыздар арасында алтын медаль иегері атанды, ал Ангелина Удовиченко өзінің таланты мен табандылығын көрсетіп, осы санатта күмісті жеңіп алды. Достық эстафетасында Ангелина Удиченко да қола медаль жеңіп алып, өзінің жоғары шеберлік деңгейін тағы да растады.

Бұл жарыстар қатысушылар мен жанкүйерлерді біріктірген спорттың нағыз мерекесіне айналды және қостанайлық шаңғышылардың жоғары нәтижелерге қол жеткізе алатынын дәлелдеді. Барлық жүлдегерлер мен чемпиондарды лайықты наградаларымен құттықтаймыз!

Бетті әзірлеген Сулейман МҰРАТҰЛЫ;
Ақпаратты Қостанай ауданы әкімдігінің «Дене шынықтыру және спорт бөлімі» ММ
спорт әдіскері Әсел Жанұзаққызы ұсынды