Шалқар дарын иесі – Жұмекен

Шалқар дарын иесі – Жұмекен

Еңбек ауылдық кітапханасында 8-сынып оқушыларына «Бір ел – бір кітап» акциясы аясында қазақ әдебиетінің көрнекті өкілі, ақын, Қазақстан Республикасының Мемлекеттік гимнінің авторы Жұмекен Нәжімеденовке арналған «Шалқар дарын иесі – Жұмекен» атты әдеби-лирикалық сағат өтті.

Іс-шараның негізгі мақсаты – жас ұрпаққа ақынның бай мұрасын таныстырып, оның шығармалары арқылы рухани құндылықтарды насихаттау. Сондай-ақ, оқушылардың поэзияға деген қызығушылығын арттырып, қазақ әдебиетіне деген сүйіспеншілігін ояту көзделді.

Кездесу барысында оқушылар ақынның терең мағыналы, көркем тілімен өрнектелген өлеңдерін мәнерлеп оқып, оның өмір жолы мен шығармашылығы жайлы тың мәліметтермен танысты. Сонымен қатар, ақынның сан қырлы шығармашылығы туралы мазмұнды бейнеролик көрсетіліп, арнайы дайындалған буклеттер таратылды.

Әдеби-лирикалық сағат жас оқырмандар үшін ерекше әсерлі әрі танымды болды. Олар Жұмекен Нәжімеденовтің жырларынан шабыт алып, өздерінің де шығармашылыққа деген қызығушылықтарын білдірді. Осындай әдеби кездесулер оқушылардың көркем әдебиетке деген ынтасын арттырып, олардың рухани дамуына ықпал етеді.

Маржан ДОСАНОВА,
Еңбек ауылдық кітапханашысы

Добавить комментарий

Ваш адрес email не будет опубликован. Обязательные поля помечены *


Поделитесь этой новостью!